നിമിഷയുടെ വധശിക്ഷ ഏതുനിമിഷവും
കൊലപാതകക്കേസില്‍ യമനില്‍ തടവില്‍ കഴിയുന്ന മലയാളി നഴ്‌സ് നിമിഷ പ്രിയയുടെ വധശിക്ഷ ഏതുനിമിഷവും നടപ്പാക്കിയേക്കുമെന്ന് ആശങ്ക. തന്റെ ജീവന്‍ രക്ഷിക്കാന്‍ ഇടപെടണമെന്നാവശ്യപ്പെട്ട് നിമിഷ പ്രിയ രാഷ്ട്രപതിക്കും പ്രധാനമന്ത്രിക്കും കത്തെഴുതി. സന്‍ആ ഹൈക്കോടതിയും വധശിക്ഷ ശരിവച്ചതോടെയാണ് നിമിഷ പ്രിയയുടെ വധശിക്ഷ ഉറപ്പായത്.
ബിസിനസ് പങ്കാളിയായിരുന്ന യമന്‍ പൗരന്‍ തലാല്‍ അബ്ദു മെഹ്ദിയെ കൊലപ്പെടുത്തി വാട്ടര്‍ ടാങ്കര്‍ തള്ളിയെന്ന കേസിലാണ് നിമിഷ പ്രിയയ്ക്ക് വധശിക്ഷ വിധിച്ചിരിക്കുന്നത്. തലാലിന്റെ കുടുംബം മാപ്പ് നല്‍കിയാലേ നിമിഷ പ്രിയയുടെ മോചനം ഇനി സാധ്യമാകൂ. തലാലിന്റെ കുടുംബവുമായി നേരത്തെ ചര്‍ച്ചകള്‍ നടന്നിരുന്നെങ്കിലും ഇവര്‍ മാപ്പ് നല്‍കാന്‍ സന്നദ്ധരായിരുന്നില്ല. ദിയാ ധനം നല്‍കാന്‍ തയ്യാറാണെന്ന് സേവ് നിമിഷ പ്രിയ ആക്ഷന്‍ കൗണ്‍സില്‍ നേരത്തെ പറഞ്ഞിരുന്നു. ലുലു ഗ്രൂപ്പ് ചെയര്‍മാന്‍ എംഎ യൂസഫലിയും നിമിഷയുടെ മോചനത്തിനായി ശ്രമം നടത്തിയിരുന്നു.
