Pracharam admin

സ്റ്റോ​ക്ഹോം: ഇ​സ്‌​ലാം മ​ത​ത്തി​ന്‍റെ വി​ശു​ദ്ധ ഗ്ര​ന്ഥ​മാ​യ ഖു​റാ​ൻ പ​ര​സ്യ​മാ​യി ക​ത്തി​ച്ച് പ്ര​തി​ഷേ​ധം ന​ട​ത്തി​യ‌ തീ​വ്ര വ​ല​തു​പ​ക്ഷ അ​നു​യാ​യി​യു​ടെ ന​ട​പ​ടി​ക്ക് “മ​റു​പ​ടി’ ന​ൽ​കാ​നാ​യി, ക്രിസ്ത്യാനികളുടെ വിശുദ്ധ ഗ്രന്ഥമായ ബൈ​ബി​ളും ജൂ​ത വി​ശു​ദ്ധ ഗ്ര​ന്ഥ​മാ​യ തോ​റ​യും പരസ്യമായി ക​ത്തി​ക്കുമെന്ന് പ്രഖ്യാപിച്ച വ്യക്തി തൻ്റെ തീരുമാനത്തിൽ നിന്നും പിൻവാങ്ങി. സി​റി​യ​ൻ സ്വ​ദേ​ശി​യും സ്വീ​ഡ​നി​ലെ സ്ഥി​ര​താ​മ​സ​ക്കാ​ര​നു​മാ​യ അ​ഹ്മ​ദ് അ​ലൗ​ഷ് (32) എ​ന്ന യു​വാ​വ് ആ​ണ് ഗ്രന്ഥം ക​ത്തി​ക്ക​ൽ പ്ര​തി​ഷേ​ധത്തിൽ നിന്നും പിന്മാറിയത്.

ത​ല​സ്ഥാ​ന ന​ഗ​ര​മാ​യ സ്റ്റോ​ക്ഹോ​മി​ലെ ഇ​സ്ര​യേ​ലി എം​ബ​സി​യു​ടെ മു​മ്പി​ൽ വ​ച്ച് ബൈ​ബി​ളും തോ​റ​യും ക​ത്തി​ക്കു​മെ​ന്ന് ഇ​യാ​ൾ മുൻപ് പ്രഖ്യാപിച്ചിരുന്നു. ഈ ​പ്ര​തി​ഷേ​ധ​ത്തി​ന് സ്റ്റോ​ക്ഹോം പോലിസ് അ​നു​മ​തിയും നൽകിയിരുന്നു. എ​ന്നാ​ൽ ശ​നി​യാ​ഴ്ച ന​ട​ന്ന പ്ര​തി​ഷേ​ധ​ത്തി​നി​ടെ, താ​ൻ ഒ​രി​ക്ക​ലും മ​ത​ഗ്ര​ന്ഥ​ങ്ങ​ൾ ക​ത്തി​ക്കാ​ൻ ഉ​ദ്ദേ​ശി​ച്ചി​രു​ന്നി​ല്ലെ​ന്നും ഖു​റാ​നെ അ​പ​മാ​നി​ച്ച​തി​ലു​ള്ള രോക്ഷം രേ​ഖ​പ്പെ​ടു​ത്താൻ മാത്രമേ ഉദേശിച്ചിരുന്നുള്ളു എന്നും അ​ലൗ​ഷ് അ​റി​യി​ച്ചു.

ഖു​റാ​ൻ ക​ത്തി​ച്ചുള്ള പ്ര​തി​ഷേ​ധ പ​രി​പാ​ടി​ക്ക് സ്വീ​ഡ​ൻ അ​നു​മ​തി ന​ൽ​കി​യ​ത് അ​ന്ത​ർ​ദേ​ശീ​യ​ത​ല​ത്തി​ൽ വ​ലി​യ വി​മ​ർ​ശ​ന​ത്തി​ന് ഇ​ട​വ​രു​ത്തി​യി​രു​ന്നു. എ​ന്നാ​ൽ പ്ര​തി​ഷേ​ധി​ക്കാ​നു​ള്ള അ​വ​കാ​ശം ഏ​വ​ർ​ക്കു​മു​ണ്ടെ​ന്നും മ​ത​നി​ന്ദ നി​യ​മം 1970-ക​ളി​ൽ​ത്ത​ന്നെ രാ​ജ്യ​ത്തെ നി​യ​മ​സം​ഹി​ത​ക​ളി​ൽ നി​ന്ന് ഒ​ഴി​വാ​ക്കി​യ​താ​ണെ​ന്നു​മാ​യിരുന്നു സ്വീ​ഡ​ന്‍റെ വാ​ദം. തോ​റ ക​ത്തി​ക്കാ​നു​ള്ള പ്ര​തി​ഷേ​ധ​ത്തി​ന് അ​നു​മ​തി ന​ൽ​കി​യ​തി​ൽ എ​തി​ർ​പ്പു​മാ​യി ഇ​സ്ര​യേ​ൽ പ്ര​സി​ഡ​ന്‍റ് ഐ​സ​ക് ഹെ​ർ​സോ​ഗ് അ​ട​ക്ക​മു​ള്ള​വ​ർ രം​ഗ​ത്തെ​ത്തി‌​യി​രു​ന്ന സാഹചര്യത്തിൽ അലൗഷിൻ്റെ തീരുമാനം ഏറ്റവും ഉചിതം ആയിരുന്നു എന്നുവേണം കരുതുവാൻ.